Taqsima Tal-VIŻA
Is-Central Visa Unit (CVU) hija l-awtorità ċentrali tal-Gvern dwar l-immigrazzjoni, responsabbli mill-implimentazzjoni tal-politika nazzjonali dwar il-viża u l-proviżjonijiet tal-acquis tax-Schengen (fejn jikkonċerna affarijiet relatati mal-viża). Ir-responsabbiltà tal-ħruġ tal-viża tinqasam mal-Missjonijiet Diplomatiċi barra minn Malta.
L-Uffiċċju Ċentrali tal-Viża huwa marbut li jgħin lill-applikanti kollha, li għandhom għan tajjeb u ġenwin biex jaslu fit-territorju Malti, bl-inqas inkonvenjent possibbli.
X’inhija l-Viża?
Viża hija awtorizzazzjoni jew deċiżjoni, fil-forma ta’ stiker, maħruġa u mwaħħla ma’ passaport, li tawtorizza lid-detentur biex joqgħod f’Malta matul perijodu limitat u speċifikat. Il-pussess ta’ viża ma jagħtix liċ-ċittadin tal-pajjiż terz id-dritt awtomatiku tad-dħul, peress li min iġorru jrid jagħti prova li se jissodisfa l-kundizzjonijiet tad-dħul imposti.
Persuna li għandha fil-pussess tagħha l-viża, xorta waħda tista’ ma titħallix tidħol f’pajjiż minn awtoritajiet tal-fruntieri jekk jinstab li:
- id-detentur ma jkunx fil-pussess ta’ mezzi adegwati biex isostni ruħu;
- id-data sottomessa matul il-proċedura tal-applikazzjoni għall-viża ma kinitx korretta jew iffalsifikata;
- id-detentur ma jkunx jista’ jipprovdi dettalji dwar iċ-ċirkostanzi tal-waqfa f’Malta.
L-awtoritajiet tal-fruntieri jistgħu jirrifjutaw id-dħul anke għal raġunijiet ta’ sigurtà jew public policy. Malta toħroġ primarjament żewġ (2) tipi ta’ viżi:
- Il-Viża Schengen (soġġorn qasir), li tinħareġ għal perijodu li ma jaqbiżx id-90 jum u li hija rregolata mid-dispożizzjonijiet li fuqhom hemm qbil tal-UE; u
- Il-Viża Nazzjonali (viża għal soġġorn twil/D Visa), li tinħareġ għal perijodu ta’ aktar minn 90 jum u mhux aktar minn 365 jum skont ir-regoli nazzjonali.
Viża Schengen
Iż-Żona Schengen u l-koperazzjoni bejn il-pajjiżi membri, joriġinaw mill-Ftehim ta’ Schengen tal-1985.
Il-ftehim jirrappreżenta territorju fejn il-moviment liberu tal-persuni huwa ggarantit. L-Istati firmatarji f’dan il-ftehim neħħew il-fruntieri interni kollha, u minflok stabbilixxew fruntiera esterna waħda. Għalhekk, applikaw regoli u proċeduri komuni għall-viżi għal soġġorn qasir, talbiet għall-ażil u kontrolli fil-fruntieri. Fl-istess ħin, il-kooperazzjoni u l-koordinazzjoni bejn is-servizzi tal-Pulizija u l-awtoritajiet ġudizzjarji jiggarantixxu s-sigurtà. Il-kooperazzjoni Schengen ġiet inkorporata fil-qafas legali tal-Unjoni Ewropea fit-Trattat ta’ Amsterdam tal-1997.
Viża ta’ Schengen hija awtorizzazzjoni maħruġa minn stat fiż-żona Schengen li tawtorizza:
- tranżitu minn jew soġġorn previst fit-territorju tal-Istati Schengen għal mhux aktar minn 90 jum fi kwalunkwe perijodu ta’ 180 jum (“viża għal soġġorn qasir”);
- tranżitu miż-żoni ta’ tranżitu internazzjonali tal-ajruporti tal-Istati fiż-żona Schengen (“viża għal tranżitu fl-ajruport”).
Stati Membri ta’ Schengen
Sal-lum, hemm b’kollox 26 pajjiż li jaderixxu mal-Ftehim ta’ Schengen; 22 Stat Membru tal-UE u erba’ Stati Assoċjati (Stati Membri mhux tal-UE) li abolixxew il-kontroll tal-fruntieri u jimplimentaw bis-sħiħ l-acquis ta’ Schengen b’rabta mal-ħruġ ta’ viża. Is-26 Stat Membru ta’ Schengen huma – l-Awstrija, il-Belġju, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Iżlanda*, l-Italja, il-Latvja, Liechtenstein*, il-Litwanja, il-Lussemburgu, Malta, is-Slovakkja, Spanja, l-Iżvezja u l-Iżvizzera *
(* Stati mhux Membri tal-UE)
Filwaqt li erba’ (4) Stati Membri tal-UE – il-Bulgarija, il-Kroazja, Ċipru u r-Rumanija għadhom mhumiex membri sħaħ taż-żona Schengen; tnejn (2) oħra – l-Irlanda u r-Renju Unit, iżommu l-politika awtonoma dwar il-Viża, l-Immigrazzjoni u l-ażil u ma jipparteċipawx fil-kooperazzjoni ta’ Schengen.
Regoli Ewlenin
Ir-regoli ewlenin adottati fi ħdan il-qafas Schengen jinkludu:
- It-tneħħija ta’ kontrolli fuq persuni fil-fruntieri interni;
- Sett komuni ta’ regoli li japplikaw għal persuni li jaqsmu l-fruntieri esterni tal-Istati Membri tal-UE;
- L-armonizzazzjoni tal-kundizzjonijiet tar-regoli tad-dħul u tal-Viżi għal soġġorni qosra;
- Il-kooperazzjoni msaħħa tal-Pulizija (inklużi d-drittijiet tas-sorveljanza fil-konfini u l-insegwiment);
- Kooperazzjoni ġudizzjarja aktar b’saħħitha permezz ta’ sistema ta’ estradizzjoni aktar mgħaġġla u t-trasferiment tal-infurzar ta’ sentenzi kriminali;
- It-twaqqif u l-iżvilupp tas-sistema ta’ informazzjoni ta’ Schengen (SIS).
Il-Kodiċi dwar il-Viżi stabbilixxa l-proċeduri u l-kundizzjonijiet għall-ħruġ ta’ viżi għal soġġorni qosra (massimu ta’ disgħin jum matul perijodu ta’ mija u tmenin jum) u t-tranżitu mill-Istati Membri tal-Unjoni Ewropea (UE) u l-Istati assoċjati li japplikaw l-acquis ta’ Schengen b’mod sħiħ. Għaldaqstant, kwalunkwe applikazzjonijiet għal viża għal dħul f’Malta għal waqfa qasira, trid tkun konformi mal-proċeduri kollha stabbiliti mill-Kodiċi tal-Viża.
Applikazzjoni tal-Viża
Applikazzjonijiet tal-viża jridu jsiru bil-miktub, fejn jingħataw id-dettalji kollha meħtieġa fuq il-Formola tal-Applikazzjoni tal-Viża (li tista’ titniżżel minn fuq is-sit tal-internet u tinġieb minn xi Ambaxxata jew Konsolat) u jridu jiġu sottomessi fl-Ambaxxata jew Konsolat tal-pajjiż tad-destinazzjoni tas-safra.
Formola tal-applikazzjoni trid timtela b’mod leġibbli, tkun iffirmata mill-applikant u magħha jridu jiġu ppreżentati dawn:
- Dokument tal-ivvjaġġar validu (passaport) li jrid ikollu data tal-iskadenza mhux inqas minn tliet xhur;
- Ritratt daqs tal-passaport, bil-kulur u meħud quddiem background abjad, bil-wiċċ jidher sewwa.
Limitu ta’ żmien għall-ipproċessar tal-applikazzjonijiet għall-viża
L-applikazzjonijiet fil-biċċa l-kbira jkunu riveduti u evalwati fi żmien bejn sebat (7) ijiem u 15-il ġurnata. F’każijiet eċċezzjonali, fejn ikun hemm bżonn ta’ dokumentazzjoni addizzjonali, id-data ta’ skadenza tista’ tiġi estiża sa massimu ta’ 45 jum kalendarju wara li l-applikazzjoni tkun tqieset ammissibbli
Huwa rakkomandat li l-applikazzjoni għal viża ma tiġix ippreżentata aktar tard minn 15-il jum qabel il-vjaġġ ippjanat, peress li ma jistax jiġi garantit li din se tiġi riveduta fil-ħin. Id-detenturi ta’ viżi għal soġġorn qasir f’aktar minn pajjiż wieħed taż-żona Schengen, jistgħu jissottomettu applikazzjoni oħra qabel ma din il-viża tiskadi, jekk kemm-il darba din kienet valida għal mill-inqas sitt xhur. L-applikazzjonijiet għall-viża ta’ membri tal-familja ta’ ċittadini tal-UE jkunu skrutinizzati fl-iqsar żmien possibbli.
Dokumenti Meħtieġa
ID-DOKUMENTI MEĦTIEĠA JIDDEPENDU SKONT GĦAL-LIEMA VIŻA SSIR L-APPLIKAZZJONI JEW F’LIEMA AMBAXXATA JEW RAPPREŻENTANZA L-INDIVIDWU SE JAPPLIKA.
- L-iskop tal-vjaġġ;
- Mezz ta’ transport anke dak tar-ritorn;
- Mezz ta’ sostenn matul il-vjaġġ u sakemm l-individwu jkun fil-pajjjiż;
- Akkomodazzjoni
DOKUMENTI MEĦTIEĠA RIGWARD L-ISKOP TAL-VJAĠĠ HUMA:
- Ittra ta’ stedina;
- Taħrika;
- Ċertifikat ta’ reġistrazzjoni;
- L-organizzazzjoni taż-żjara.
DOKUMENTI MEĦTIEĠA B’RABTA MAL-MEZZI TA’ TRANSPORT U R-RITORN GĦANDHOM IKUNU:
- Biljett tar-ritorn validu; jew
- Ċertifikat li jindika l-booking u l-ħlas ta’ vjaġġ.
DOKUMENTI MEĦTIEĠA RIGWARD MEZZ TA’ SOSTENN JINKLUDU:
- Flus kontanti;
- Traveller’s cheques;
- Ktieb taċ-ċekkijiet għal munita barranija;
- Karti ta’ kreditu;
- Kwalunkwe mezz ieħor li jiggarantixxi fondi.
Il-livell ta’ manteniment għandu jkun wieħed proporzjonat skont it-tul u l-għan ta’ din il-vista.
DOKUMENTI MEĦTIEĠA RIGWARD AKKOMODAZZJONI JINKLUDU:
- Booking ta’ akkomodazzjoni f’lukanda jew stabbiliment simili;
- Dokumenti li jipprovaw l-eżistenza ta’ kirja jew Att ta’ titlu, f’isem l-applikant, għal proprjetà li tinsab fil-pajjiż li se jżur;
- Fejn ċittadin ta’ pajjiż terz jiddikjara li hu/hi għandu joqgħod f’dar ta’ persuna jew f’istituzzjoni, l-applikant irid jippreżenta dikjarazzjoni bil-miktub (Declaration of Proof) minn min ikun se jospita li turi li huwa lest li jakkomoda lill-applikant. L-Ambaxxati jew Konsolati jivverifikaw tali dikjarazzjonijiet, fejn isiru checks neċessarji;
- Jista’ jintalab ukoll li jkun ippreżentat ċertifikat mimlija mill-ospitant/istituzzjoni li jindika b’mod ċar li huma kommessi li jakkomodaw lill-applikant, u dawn iridu jkunu ttimbrati minn awtorità kompetenti f’Malta, skont id-dispożizzjonijiet stabbiliti fil-liġi.
ASSIKURAZZJONI MEDIKA
Barra minn hekk, biex tkun issostanzjata applikazzjoni għal ħruġ ta’ viża għal żmien qasir jew għall-ivvjaġġar (jinkludi viza għal soġġorn twil), l-applikanti għandhom juru li huma fil-pussess ta’ assigurazzjoni medika adegwata u valida li tkopri kull spiża li tista’ tinqala’ in konnessjoni ma’ ripatrijazzjoni minħabba raġunijiet mediċi, attenzjoni medika urġenti u/jew kura ta’ emerġenza fi sptar. L-assigurazzjoni għandha tkun valida fl-Istati Membri kollha ta’ Schengen u tkopri l-perijodu kollu taż-żjara tal-persuna. Il-kopertura minima hija ta’ €30,000.
DIKJARAZZJONI TAL-PROVI (DECLARATION OF PROOF)
Skont ir-Regolament (KE) Nru 810/2009, l-applikanti li jkunu mistiedna minn persuna f’Malta għandhom jippreżentaw id-dikjarazzjoni ta’ prova (Declaration of Proof), li biha l-ospitant Malti jiddikjara li huwa kapaċi jakkomoda lill-applikant u/jew li jkun jista’ jġorr l-ispejjeż u r-ripatrijazzjoni tal-applikant.
Id-dikjarazzjoni tal-provi jrid ikun fiha informazzjoni li tistabbilixxi l-għan tal-applikazzjoni u tindika, b’mod partikolari dan li ġej:
- Jekk l-iskop tad-dikjarazzjoni hija prova ta’ akkomodazzjoni jew sponsorship;
- Jekk l-ospitant hux individwu, organizzazzjoni jew kumpanija;
- L-identità tal-ospitanti u d-dettalji ta’ kuntatt;
- Min huwa l-applikant li huwa mistieden;
- L-indirizz tal-akkomodazzjoni;
- Tul u skop taż-żjara
- Relazzjoni li jista’ jkun hemm bejn l-ospitant u l-applikant.
Għalhekk jinħtieġ li jkun fiha informazzjoni kompleta u rilevanti dwar il-persuna ospitanti li tagħmel l-istedina, l-applikant (bħala l-persuna mistiedna) u r-relazzjoni tagħhom ma ‘ xulxin (inkluż informazzjoni dwar kwalunkwe relazzjoni familjari), flimkien mal-fini taż-żjara li trid tiġi koperta bil-viża. L-istedina għandha tiddikjara wkoll jekk il-persuna ospitanti li testendi l-istedina hux se tkun ukoll garanti mill-aspett finanzjarju għall-applikant.
Permezz tal-mili u l-iffirmar tad-dikjarazzjoni ta’ prova, il-persuna ospitanti tiggarantixxi li se tkun responsabbli biex finanzjarjament tkopri spejjeż b’konnessjoni maż-żjara tal-applikant f’Malta u r-ripatrijazzjoni jekk l-applikant jonqos milli jirritorna lura lejn pajjiżu qabel ma tiskadilu l-viża.
Id-dikjarazzjoni ta’ prova għandha tkun iċċertifikata, attestata u ttimbrata minn rappreżentant legali. Jekk kwalunkwe informazzjoni pprovduta tinstab li hija falza jew skorretta, il-persuna ospitanti, kemm bħala individwu, bħala kumpanija jew bħala organizzazzjoni, tkun suġġetta għal passi kriminali skont il-liġijiet ta’ dak l-Istat Membru partikolari. F’Malta, dawn huma l-Artikoli 188 u 189 tal-Kodiċi kriminali (Kapitolu 9 tal-liġijiet ta’ Malta) u l-Artikolu 32 tal-Att dwar l-Immigrazzjoni (Kapitolu 217 tal-liġijiet ta’ Malta) kif ukoll kwalunkwe liġi jew regolament ieħor li jista’ jkun fis-seħħ fiż-żmien tad-dikjarazzjoni illegali.
Marbut bir-Regolament (KE) Nru 539/2001 u wara immodifikat bir-Regolament (KE) Nru 2414/2001 u bir-Regolament (KE) Nru 453/2003, il-lista ta’ pajjiżi terzi li ċ-ċittadini tagħhom huma soġġetti għall-ħtieġa tal-Viża, meta jivvjaġġaw lejn Malta u/jew kwalunkwe Stat Membru ieħor tal-UE huwa kif ġej:
| L-Afganistan | Ir-Repubblika Demokratika tal-Kongo | Il-Kirgiżtan | L-Irwanda |
| L-Alġerija | Id-Djibouti | Il-Laos | São Tomé u Príncipe |
| L-Angola | Ir-Repubblika Dominicana | Il-Libanu | L-Arabja Sawdita |
| L-Armenja | L-Ekwador | Il-Lesoto | Ir-Russja |
| L-Ażerbajġan | L-Eġittu | Il-Liberia | Is-Senegal |
| Il-Bahrain | Il-Guinea Ekwatorjali | Il-Libja | Is-Sierra Leone |
| Il-Bangladesh | L-Eritrea | Il-Madagaskar | Is-Somalja |
| Il-Belarussja | L-Etijopja | Il-Malawi | L-Afrika t’Isfel |
| Il-Belize | Fiġi | Il-Maldivi | Is-Sudan t’Isfel |
| Il-Benin | Il-Gabon | Il-Mali | Is-Sri Lanka |
| Il-Bhutan | Il-Gambja | Il-Mauritania | Is-Sudan |
| Il-Bolivja | Il-Ghana | Il-Mongolia | Is-Suriname |
| Il-Botswana | Il-Guinea | Il-Marokk | Is-Swaziland |
| Il-Burkina Faso | Il-Guinea-Bissau | Il-Mozambique | Is-Sirja |
| Burma/Il-Myanmar | Il-Guyana | In-Namibia | It-Taġikistan |
| Il-Burundi | Il-Haiti | Nauru | It-Tanzanija |
| Il-Kambodja | L-Indja | In-Nepal | It-Tajlandja |
| Il-Kamerun | L-Indonesja | In-Niger | It-Togo |
| Cape Verde | L-Iran | In-Niġerja | It-Tuneżija |
| Ir-Repubblika Ċentru Afrikana | L-Iraq | Il-Korea ta’ Fuq | It-Turkija |
| Iċ-Chad | Il-Ġamajka | L-Oman | It-Turkmenistan |
| Iċ-Ċina | Il-Ġordan | Il-Pakistan | L-Uganda |
| Comoros | Il-Każakistan | Il-Palestina | L-Użbekistan |
| Il-Kongo | Il-Kenja | Papua New Guinea | Il-Vjetnam |
| Il-Kosta tal-Avorju | Il-Kosovo | Il-Filippini | Il-Jemen |
| Kuba | Il-Kuwajt | Il-Qatar | Iż-Żambia |
| Iż-Żimbabwe |
Ċittadini ta’ pajjiżi terzi li jinħtieġ li jkollhom fil-pussess tagħhom viża għal transitu fl-ajruport meta jkunu qed jgħaddu minn ajruport internazzjonali f’xi pajjiż tal-UE jinkludu:
| L-Afganistan | Il-Bangladesh | Ir-Repubblika Demokratika tal-Kongo | L-Eritrea |
| L-Etijopia | Il-Ghana | L-Iran | L-Iraq |
| In-Niġerja | Il-Pakistan | Is-Somalja | Is-Sri Lanka |
Fejn tista’ tapplika
Applikazzjonijiet għall-ħruġ ta’ viża jistgħu jiġu sottomessi, eżaminati u deċiżi fil-Konsolati taħt liema ġurisdizzjoni l-applikant ikun legalment qed jgħix. Applikazzjoni għall-viża ppreżentata minn ċittadin ta’ pajjiż terz, legalment preżenti iżda li ma jkunx jirrisjedi fil-ġurisdizzjoni, tista’ tiġi aċċettata jekk is-CVU jqis li l-ġustifikazzjoni pprovduta mill-applikant għall-preżentazzjoni tal-applikazzjoni f’dak il-Konsolat ta’ Malta, hija koerenti u kredibbli.
Il-ftehim ta’ rappreżentanza mal-Ġermanja fil-Botswana, il-Ginea, il-Mongolja, in-Namibja u t-Togo se jerġa’ jiġi attivat nhar il-31 ta’ Ottubru 2022. Ir-rappreżentanza fiż-Żimbabwe se tibqa’ sospiża sakemm joħroġ avviż ieħor.
F’dawk il-pajjiżi fejn Malta għandha Ċentru għall-Applikazzjoni tal-Visa, l-applikazzjonijiet għandhom jiddaħħlu f’dawn iċ-ċentri:
| L-ALĠERIJA | Ċentru għall-Applikazzjoni tal-Visa | L-Algiers |
| Ċentru għall-Applikazzjoni tal-Visa | Oran | |
| L-AWSTRALJA | Kummissjoni Għolja għal Malta | Canberra |
| Konsolat ta’ Malta | Melbourne | |
| Konsolat ta’ Malta | Sydney | |
| L-AWSTRIJA | Ambaxxata ta’ Malta | Vjenna |
| IL-BELĠJU | Ambaxxata ta’ Malta | Brussell |
| IL-KANADA | Konsolat ta’ Malta | Toronto |
| IĊ-ĊINA | Ambaxxata ta’ Malta | Beijing |
| Konsolat Ġenerali ta’ Malta | Shanghai | |
| Ċentru għall-Applikazzjoni tal-Visa | Beijing | |
| Ċentru għall-Applikazzjoni tal-Visa | Changsha | |
| Ċentru għall-Applikazzjoni tal-Visa | Chengdu | |
| Ċentru għall-Applikazzjoni tal-Visa | Chongqing | |
| Ċentru għall-Applikazzjoni tal-Visa | Fuzhou | |
| Ċentru għall-Applikazzjoni tal-Visa | Guangzhou | |
| Ċentru għall-Applikazzjoni tal-Visa | Hangzhou | |
| Ċentru għall-Applikazzjoni tal-Visa | Jinan | |
| Ċentru għall-Applikazzjoni tal-Visa | Kunming | |
| Ċentru għall-Applikazzjoni tal-Visa | Nanjing | |
| Ċentru għall-Applikazzjoni tal-Visa | Shanghai | |
| Ċentru għall-Applikazzjoni tal-Visa | Shenyang | |
| Ċentru għall-Applikazzjoni tal-Visa | Wuhan | |
| Ċentru għall-Applikazzjoni tal-Visa | Xian |
| IL-ĠERMANJA | Ambaxxata ta’ Malta | Berlin |
| IL-GREĊJA | Ambaxxata ta’ Malta | Ateni |
| L-EĠITTU | Ambaxxata ta’ Malta | Il-Kajr |
| Ċentru għall-Applikazzjoni tal-Visa | Alexandria | |
| Ċentru għall-Applikazzjoni tal-Visa | Il-Kajr | |
| FRANZA | Ambaxxata ta’ Malta | Pariġi |
| L-INDJA | Kummissjoni Għolja għal Malta | New Delhi |
| Ċentru għall-Applikazzjoni tal-Visa | New Delhi | |
| Ċentru għall-Applikazzjoni tal-Visa | Chennai | |
| Ċentru għall-Applikazzjoni tal-Visa | Kolkata | |
| Ċentru għall-Applikazzjoni tal-Visa | Chandigarh | |
| Ċentru għall-Applikazzjoni tal-Visa | Bangalore | |
| Ċentru għall-Applikazzjoni tal-Visa | Mumbai | |
| Ċentru għall-Applikazzjoni tal-Visa | Kathmandu, Nepal |
| IL-PALESTINA | Uffiċċju Rappreżentattiv għal Malta | Ramallah |
| IL-POLONJA | Ambaxxata ta’ Malta | Varsavja |
| IL-PORTUGALL | Ambaxxata ta’ Malta | Lisbona |
| FEDERAZZJONI RUSSA | Ambaxxata ta’ Malta | Moska |
| Ċentru għall-Applikazzjoni tal-Visa | Moska | |
| Ċentru għall-Applikazzjoni tal-Visa | Kazan | |
| Ċentru għall-Applikazzjoni tal-Visa | Krasnodar | |
| Ċentru għall-Applikazzjoni tal-Visa | Krasnoyarsk | |
| Ċentru għall-Applikazzjoni tal-Visa | Nizhny Novgorod | |
| Ċentru għall-Applikazzjoni tal-Visa | Novosibirsk | |
| Ċentru għall-Applikazzjoni tal-Visa | Rostov-on-Don | |
| Ċentru għall-Applikazzjoni tal-Visa | Samara | |
| Ċentru għall-Applikazzjoni tal-Visa | St. Petersburg | |
| Ċentru għall-Applikazzjoni tal-Visa | Yekaterinburg | |
| Ċentru għall-Applikazzjoni tal-Visa | Kaliningrad | |
| Ċentru għall-Applikazzjoni tal-Visa | Irkutsk | |
| Ċentru għall-Applikazzjoni tal-Visa | Ufa | |
| Ċentru għall-Applikazzjoni tal-Visa | Khabarovsk | |
| Ċentru għall-Applikazzjoni tal-Visa | Vladivostok | |
| Ċentru għall-Applikazzjoni tal-Visa | Omsk | |
| Ċentru għall-Applikazzjoni tal-Visa | Murmansk | |
| Ċentru għall-Applikazzjoni tal-Visa | Perm | |
| Ċentru għall-Applikazzjoni tal-Visa | Saratov |
| ARABJA SAWDITA | Ambaxxata ta’ Malta | Riyadh |
| Ċentru għall-Applikazzjoni tal-Visa | Riyadh | |
| Ċentru għall-Applikazzjoni tal-Visa | Jeddah | |
| Ċentru għall-Applikazzjoni tal-Visa | Al Khobar | |
| SPANJA | Ambaxxata ta’ Malta | Madrid |
| ŻVIZZERA | Missjoni Permanenti ta’ Malta għall-Ġnus Magħquda | Ġinevra |
| IL-FILIPPINI | Ċentru għall-Applikazzjoni tal-Visa | Manila |
| Ċentru għall-Applikazzjoni tal-Visa | Cebu |
| IT-TUNEŻIJA | Ambaxxata ta’ Malta | Tuneż |
| Ċentru għall-Applikazzjoni tal-Visa | Tuneż | |
| IT-TURKIJA | Ambaxxata ta’ Malta | Ankara |
| Konsolat ta’ Malta | Istanbul | |
| Ċentru għall-Applikazzjoni tal-Visa | Ankara | |
| Ċentru għall-Applikazzjoni tal-Visa | Antalya | |
| Ċentru għall-Applikazzjoni tal-Visa | Bodrum | |
| Ċentru għall-Applikazzjoni tal-Visa | Bursa | |
| Ċentru għall-Applikazzjoni tal-Visa | Edirne | |
| Ċentru għall-Applikazzjoni tal-Visa | Gaziantep | |
| Ċentru għall-Applikazzjoni tal-Visa | Izmir | |
| Ċentru għall-Applikazzjoni tal-Visa | Altunizade | |
| Ċentru għall-Applikazzjoni tal-Visa | Trabzon | |
| Ċentru għall-Applikazzjoni tal-Visa | Harbiye |
| L-EMIRATI GĦARAB MAGĦQUDA | Ambaxxata ta’ Malta | Abu Dhabi |
| Konsolat Ġenerali ta’ Malta | Dubai | |
| Ċentru għall-Applikazzjoni tal-Visa | Dubai | |
| Ċentru għall-Applikazzjoni tal-Visa | Abu Dhabi | |
| IR-RENJU UNIT | Kummissjoni Għolja għal Malta | Londra |
| Ċentru għall-Applikazzjoni tal-Visa | Edinburgh | |
| Ċentru għall-Applikazzjoni tal-Visa | Manchester | |
| STATI UNITI TAL-AMERIKA | Ambaxxata ta’ Malta | Washington |
| Missjoni Permanenti ta’ Malta għall-Ġnus Magħquda | New York |
Fejn Malta m’għandix Missjoni Diplomatika jew Konsolat, ċittadini ta’ pajjiżi terzi huma mitluba japplikaw għal viża f’dawn il-Missjonijiet Diplomatiċi tal-UE li ġejjin jew Konsolati, li jistgħu joħorġu viżi f’isem Malta:
| IĊ-CHAD | Konsolat ta’ Franza | N’Djamena |
| IĊ-ĊILI | Ambaxxata tal-Polonja | Santiago |
| IĊ-ĊINA – HONG KONG | Konsolat Ġenerali tal-Awstrija | Hong Kong |
| ĊIPRU | Ambaxxata tal-Greċja | Nikosia |
| COMOROS | Ambaxxata ta’ Franza | Moroni |
| Il-KANADA | Konsolat tal-Italja | Vancouver |
| Ambaxxata tal-Awstrija | Ottawa | |
| IL-KAMEROON | Ambaxxata ta’ Franza | Yaounde |
| IL-KOLUMBJA | Ambaxxata tal-Italja | Bogota |
| IL-KONGO | Ambaxxata ta’ Franza | Brazzaville |
| IS-SEYCHELLES | Ambaxxata ta’ Franza | Victoria |
| SINGAPORE | Ambaxxata tal-Italja | Singapore |
| SOUTH AFRICA | Konsolat tal-Italja | Cape Town |
| Ambaxxata tal-Italja | Pretoria | |
| IS-SRI LANKA | Ambaxxata tal-Italja | Colombo |
| STATI UNITI TA ‘L-AMERIKA | Konsolat tal-Italja | Chicago |
| Konsolat tal-Italja | Houston | |
| Konsolat tal-Italja | San Francisco | |
| IS-SUDAN | Ambaxxata tal-Italja | Khartoum |
Kundizzjonijiet biex tinħareġ il-viża
L-Awtoritajiet Maltija huma responsabbli biex tkun eżaminata u evalwata applikazzjoni għal viża jekk Malta hija l-uniku destinazzjoni jew id-destinazzjoni prinċipali taż-żjara.
F’pajjiż fejn Malta m’għandix rappreżentanza, applikazzjoni tista’ tiġi sottomessa fil-Konsolat ta’ Stat Membru ieħor tal-Unjoni Ewropea li miegħu Malta għandha ftehim bilaterali.
Malta għandha wkoll arranġamenti ma’ service providers privati sabiex applikazzjoni tkun tista’ tiġi sottomessa fl-uffiċini tagħhom (u dan jinkludi wkoll it-teħid tal-features biometriċi).
Viża uniformi tista’ tinħareġ għal aktar minn dħul wieħed, b’validità massima ta’ ħames snin. F’każijiet umanitarji, l-perijodu ta’ validità tista’ tiġi estiża.
Applikazzjoni għall-viża tista’ tiġi ppreżentata mill-applikant sa minn sitt (6) xhur qabel iż-żjara ppjanata. Meta jippreżenta applikazzjoni, l-applikant għandu jmur personalment, sakemm dan ir-rekwiżit ma jkunx ġie rrinunzjat. Apparti f’ċerti eċċezzjonijiet, l-applikant għandu jagħti l-permess għat-teħid tal-marki tas-swaba’ tiegħu, fejn wara jkun eżentat minn dan il-proċess għal perijodu ta’ 59 xahar u jħallas il-ħlas applikabbli. Il-ħlas tal-viża tista’ tiġi rinunzjata jew imnaqqsa f’każijiet individwali, pereżempju għal raġunijiet ta’ politika kulturali, barranija u ta’ żvilupp.
Viża tiġi rifjutata jekk l-applikant:
- Jippreżenta dokument tal-ivjaġġar falz;
- Ma jagħti l-ebda ġustifikazzjoni valida għall-iskop u l-kundizzjonijiet ta’ dan il-vjaġġ;
- Ma jipprovdi l-ebda mezz ta’ sostenn għal perijodu tal-mawra u lanqas għar-ritorn lura lejn il-pajjiż oriġinali tiegħu jew tagħha;
- Ikun diġá qatta’ tliet xhur fil-perijodu ta’ sitt xhur;
- Ikun suġġett ta’ twissija fis-Sistema Informatika tax-Schengen (SIS);
- Huwa kkunsidrat bħala thedida għas-sigurta jew saħħa tal-pubbliku tal-Istat Membru;
- Ma jipprovidix assikurazzjoni medika, jekk applikabbli;
- Jipprovdi dokumenti li l-awtentiċità tagħhom ma tistax tiġi kkonkermata.
F’ċerti każijiet, il-perijodu ta’ validità jista’ jkun estiż, filwaqt li f’ċerti ċirkostanzi, l-viża tista’ tiġi annullata jew revokata.
Applikant li jkollu l-viża tiegħu irrifjutata, irrevokata jew annullata għandu l-possibbiltà li jappella din id-deċiżjoni mal-Bord tal-Appelli tal-Immigrazzjoni sa ħmistax-il ġurnata minn din in-notifika. Jista’ jagħmel hekk billi jikkomunika mal-Bord Tal-Appelli tal-Immigrazzjoni, li f’dan l-indirizz:
The Secretary
Immigration Appeals Board
15, 1st Floor
City Gate Building
Triq L-Ordinanza
Valletta
Proċedura tal-Appelli
Meta viża tiġi rifjutata, annullata jew revokata mill-awtoritajiet Maltin, l-applikant jirċievi ittra li tinnotifikah/a bir-raġunijiet li waslu għal din id-deċiżjoni.
Applikanti li jiġu rifjutati milli jingħataw viża jew ikollhom il-viża tagħhom annullata jew revokata, għandhom id-dritt li jappellaw kontra tali deċiżjoni mal-Immigration Appeals Board fi żmien ħmistax-il ġurnata ta’ xogħol, minn meta tinħareġ in-notifika. Kwalunkwe komunikazzjoni għandha ssir bl-Ingliż u tkun indirizzata lil bord f’dan l-indirizz:
The Secretary
Immigration Appeals Board
15, 1st Floor
City Gate Building
Triq L-Ordinanza
Valletta
L-applikanti għandhom jibagħtu lill-Bord tal-Appelli dwar l-Immigrazzjoni fi żmien 15-il jum kopja tal-ittra ta ’rifjut u dokumenti oħra ta’ sostenn li jiġġustifikaw ir-raġunijiet li fuqhom id-deċiżjoni għandha tiġi riveduta. Tali dokumenti jridu jkunu ċċertifikati bħala kopji vera tal-oriġinali minn avukat jew nutar.
L-appell irid ikun impustat b’posta irreġistrata u b’imejl fuq l-indirizz elettroniku [email protected];[email protected]
Sussegwentement, l-IAB javża kemm lill-applikant u kif ukoll lis-CVU bid-deċiżjoni li tittieħed.
Tariffi
Applikanti għandhom iħallsu tariffi applikabbli skont kif indikat fl-Ordinanza dwar it-Tariffi L.N.287 tal-2020.
It-Taqsima Ċentrali tal-Viża taċċetta ħlasijiet permezz ta’ karta ta’ kreditu jew ċekkijiet.
It-tariffi li għandhom jitħallsu għal applikazzjoni tal-viża għal soġġorn twil huma kif ġej:
(a) Għal skop ta’ studju €70
(b) Għal kwalunke skop ieħor €100
Tfal taħt is-sitt snin huma bla ħlas.
Ħinijiet tal-Ftuħ
Taqsima Tal-VIŻA – Malta
Mit-Tnejn sal-Ġimgħa mit-08:00am sa 02:00pm
Taqsima Tal-VIŻA – Għawdex
Mit-Tnejn sal-Ġimgħa mit-08:00am sa 12:30pm
